ANG HIYAS NI SECRETARY ADELINO “ADDY” SITOY

By: Iste Sesante Leopoldo

“Never consider poverty as an obstacle to success. On the contrary, consider poverty as a great challenge and overcome it through great efforts.”

Mao kini ang pahimangno sa tinahod nga leader sa Lungsod sa Cordova nga si Secretary Adelino “Addy” Sitoy alang sa mga batan-on nga gasugod palang og panday sa ilang mga pangandoy.

Basi kini sa mismo sa kasinatian ni Secretary Sitoy kay siya gikan pud sa ubos ug daghang mga pagsuway iyang naagian usa niya nakab-ot ang iyang mga pangandoy alang sa iyang kaugalingon ug sa pamilya.

Ang iyang gugma sa iyang mga ginikanan nga si Maximo Menguito-Sitoy ug Ramona Amores-Baguio, pulos mga public school teachers, maoy naka-inspire siya nga mokayod sa kinabuhi aron makab-ot niya ang iyang damgo nga mahimong abogado ug politico.

“Kaning akong inclination musulod sa   politika diha gyud ni nagsugod pagkapildi ni Papa sa politika niadtong 1947. Nilansar siya’g mayor diri sa Cordova, napildi siya. First and only time siya milansar pagka mayor,” sigon ni Secretary Sitoy.

“After napildi siya, we experienced another problem, gikoralan ang among yuta. Ni abot og court battle. Every time mag-hearing, mo uban ko sa akong Papa, motan aw ko sa hearing. His lawyer at that time was still a neophyte and nakita nako nga lupig gyud sa opposition. Bisan dili pa siya mostorya nako, makita naku sa iyang facial expression ang frustration sa mga pagsulay sa among kinabuhi labi na ang ruling sa decision kay sigeg ka delay. From that time on, I told myself, mag lawyer ko,” dugang ni Addy.

Editor-in-chief sa Light of Lapu-Lapu

Usa sa mga weakness kaniadto ni Secretary Sitoy sa nagtungha pa siya sa high school sa Abellana National School (ANS) mao ang English. Mao nga naningkamot siya nga ma improb niya kini.

 “Ako weakness sa high school kay English. For me to improve my English communication, manghuwam kog dictionary sa ako uncle, who’s studying Education sa Cebu Normal University (CNU) nga atbang ra sa ANS,” matod ni Addy.

Kada-adlaw magbasa si Atty. Sitoy sa dictionary nga iyang gihulman ug mokolekta siya’g 10 ngadto sa 20 ka mga English words kada basa niya. Pirme pud siya moadto sa United States Information Service Office (USIS).

“Everyday, after sa akong class modiretso nako sa USIS kay malingaw ko sigeg basa og libro na gikan og America. At the end of the school year, nag announce ang USIS og essay writing contest and I joined,” matod ni Addy.

Midaog siya sa maong kompetisyon og nakadawat sa ganti nga brand new dictionary.

 “I won first place, gitagaan ko dictionary as prize, it was signed by USIS director. Sukad ato inspired na kaayo ko mohimo’g English poem. I feel a pang of pride na akong suwat-suwaton nga poem kay ibutang sa black board sa akong maestra,” saysay niya.

Nagbunga ang iyang mga paningkamot kay nahimo man siya editor-in-chief sa Light of Lapu-Lapu, ang school publication sa ANS, ang pinakadako nga public high school sa Sugbo.

Pagbiyahe sa Manila

Gusto ni Atty. Sitoy nga motungha og pre-law didto sa University of the Philippines-Diliman. Apan wala silay igong kwarta para i-plete padulong sa Manila. Mao nga nangita siyag paagi aron makalarga.

Miapil siya’g Essay Contest sa Philippine Airlines, ang grand prize mao ang roundtrip ticket Cebu-Manila-Cebu. Midaog si Secretary Sitoy.

Misalmot pud siya’g lain nga writing contest sa Philippine Chamber of Commerce and Industry (PCCI) nga nagtanyag og scholarship prize. Ang tema sa maong contest kay inspiration story sa usa ka entrepreneur.

Ang gisuwat ni Atty. Sitoy nga artikulo kabin sa banana vendor nga nakapalambo sa iyang negosyo maoy napiling mananaog.

Tungod sa duha ka writing contest, naangkon ni Atty. Sitoy ang round trip ticket ug scholarship nga maoy nakapalipay pag-ayo kaniya. Apan sa pag-abot niya sa Manila nadismaya siya kay ang kurso nga pwedeng kuhaon sa scholarship kay Commerce og dili pwede ang Law.

Miuli si Atty. Sitoy sa Sugbo.

Sugod sa iyang political career

Nagpadayon si Addy sa iyang hilig sa pagsuwat, miapil pud siya sa Dramatic Guild sa University of San Carlos (USC). Nahimo siyang best actor sa mga dula. Gani, girekomendar siya ni Fr. Joseph Goertz, SVD, dean sa College of Liberal Arts sa University Of San Carlos (USC) alang sa Journalism Scholarship didto sa Estados Unidos apan mibalibad siya.

“I refused the offer of Fr. Goertz and he was disgusted of my decision. Nibalibad ko sa scholarship because nagdali ko sa kaso ni Papa kay 1947 niabot nalang og 1957 wala pay decision for forcible entry case, ako siya gibalibaran and told him that I am sorry, I am in a hurry to catch up with the case of my father,” saysay ni Addy.

Sa iyang pre-law sophomore year, nahibaw-an ni Addy ang pagtukod sa  Sergio “Serging” Osmeña Jr. “Youth for Osmena Leadership (YOL).” Apan napuno na ang grupo sa 20 ka student youth leaders sa USC nga giaapil sa convention didto sa Club X pero miadto gyud siya.

 “I was not on the list, I remembered gi-harangan ko sa guard but I told him, advance party ko sa USC delegates, so he let me in,” ingon niya sa dihang nag organize ang YOL og rally didto sa Fuente Osmena.

“Nagpadool ko sa emcee and waited for the perfect timing. Timely, after ni diskurso ang tanan representatives sa mga eskuwelahan, dugay nakabanos si Congressman Pedro Lopez and I felt it was the opportunity that I was waiting for, So I grabbed it, I told the emcee, si Danny Holganza, nga it’s my turn to speak. However, naglalis mi ni Holganza kay wala ko sa listahan nga modiskurso and naabtan ming Lopez when I explained to Congressman Lopez why I wanted to speak, he then told Holganza, nga ipadiskurso ko kay ang forum was for the youth,” matod ni Addy.

Wa niya damha nga mao na diay to ang sinugdanan sa iyang political career.

“Naghinay-hinay na unta to og uli ang mga tawo, but when I started nga magdiskurso in Binisaya, mibalik sila. Ako raman ang nagbinisaya og diskurso, I remember every applaud when I paused,” dugang niya.

Sa pagka ugma sa buntag gipaadtoan si Addy sa driver ni Serging Osmeña Jr. sa ilang balay didto sa Junquera Extension kay gusto sa ulahi nga mahimamat siya. Sa iyang pag-abot sa lugar gisugat siya sa inahan ni Lito Osmeña og gipangutana diin siya nakat-on mo diskurso eloquently sa Binisaya.

 “I told them I learned it through barrio fiestas here in Cordova. Naay contest nga mobalak, ang uban mangopya but ako maghimo gyud ko og akong kaugalingong balak labina sa flower dance kani-adtong panahon,” pasabot ni Addy.

Nahimong usa sa mga trusted youth leaders ug miyembro sa YOL si Addy. Mao kadto ang sugod sa pag-abli sa mga oportunidad niya.

Usa sa dili malimtan ni Addy mao ang pag-meet niya kang kanhi President Ramon Magsaysay sa tuig 1957 sa wala pa ma crash ang eroplano niini sa bukid sa Manuggal.

 “I was among those few people who last saw Magsaysay before that fatal accident,” ingon ni Addy.

Abogado, public servant

Human mo-gradwar sa iyang pre-law, mi proceed dayon si Addy og proper Law. Nagtrabaho siya isip Public Information Officer (PIO) ni Serging Osmeña Jr. samtang nagtuon og abugasya.

Bisan paman lisod ang iyang oras, nahimo gihapon siyang Cum Laude.

Human mo take sa Bar Exams, nahimo siyang Press Secretary ni Governor Jose Briones niadtong 1960. Pag gawas sa resulta sa exams, nag practice dayon siya og nahimong pinakabata nga assistant fiscal sa nasod sa edad nga 27 anyos.

Milapad ang iyang political network. Ang iyang pamilya nagsugod napud og pangulo sa Cordova sa dihang milingkod ang iyang igsoon nga si Celedonio  Sitoy isip Mayor niadtong 1976.

 “I felt under our leadership, we can make Cordova great. My vision is to make this town a city and soon that will be realized after the reclamation project of SM Prime Holdings will be implemented,” pasabot ni Addy.

Wala siya magmahay sa iyang gipili nga dalan sa public service kay tungod sa nakita niya karon ang Cordova mabati niya ang sense of fulfillment.

Gusto niya nga mahinumdoman siya sa katawhan sa Cordova isip usa ka pobre nga naningkamot makalingkawas sa kalisod gamit ang edukasyon.

Kay gusto niya mausab ang kinabuhi sa Cordovanhons pinaagi sa edukasyon, gipatukod ni Mayor Arleigh nga iyang anak ang Cordova Public College. Gasugod kini og  14 ka estudyante karon molapas na sa 2,000 ka estudayante. 238 kabuok ang nagdawat og P20,000 allowance per semester gikan sa Commission on Higher Education (CHED).

Usa pud sa gikalipay ni Addy  mao ang third bridge nga posible nang buksan sa tuig 2022.

 “Nothing is really impossible if you put your heart and mind to it and of course trust with the Lord and what made me going knowing I am doing this for the love of my hometown,” tapos ni Addy.

VIA admin

dkjasdkl